MESA-ийн удирдах зөвлөлийн хурлаар 2021 оны шинэчилсэн төлөвлөгөө батлагдлаа

Бат-Өлзий Санчир
Нийтлэгч

Бат-Өлзий Санчир

MESA буюу Монголын Электрон Спортын Холбооны төлөөлөн удирдах зөвлөл хуралдаж 2021 оны шинэчилсэн календарьт төлөвлөгөө баталлаа. Уг хурлаар хэд хэдэн шинэ төслүүд, 2021 онд болох тэмцээнүүдийн төлөвлөгөө, шинэ дэд ерөнхийлөгчийг томилох зэрэг ажлуудыг голчлон хэлэлцэв.

Хурлын гол хэсэгт холбооны гишүүнчлэлийн бүтэц буюу тамирчин, клуб, тэмцээн зохион байгуулагчид зэрэг электрон спортын оролцогч талуудыг лицензжүүлэх журмын төслийн ажлын хэсэг байгуулах тухай, цаашлаад удирдах зөвлөлийн гишүүний үйл ажиллагааны журам зэргийг тус тус баталсан байна.  Мөн гишүүд хурлын цахим тоглоомын газрын үйл ажиллагааг зохицуулах журмыг шинэчлэх талаар хэлэлцэж, ажлын төлөвлөөгөөтэй танилцлаа.  

Цахим тоглоомын газруудыг холбоон дээр зангидаж, цахим спортыг дэмжсэн үйл ажиллагаа явуулах, цаашлаад тухайн тоглоомын төвүүдийн үйл ажиллагаанд дэмжлэг үзүүлэх боломжууд дээр санал хэлэлцэв

Хурлын үеэр мөн “Монголын Электрон Спортын Холбоо”-ны шинэ дэд ерөнхийлөгчийг томиллоо. Шинэ дэд ерөнхийлөгчөөр Г.Бат-Эрдэнэ санал нэгтэйгээр дэмжигдэж, холбооны мобайл төрлүүдийг удирдан ажиллахаар болсон бол Ц.Мөнхтүвшин дэд ерөнхийлөгчийн хувьд холбооны DOTA2 төрлийг удирдан ажиллаж байна. 

Г.Бат-Эрдэнэ MESA-ийн дэд ерөнхийлөгчөөр сонгогдсоноор, дэд ерөнхийлөгч Ц.Мөнхтүвшин Г.Бат-Эрдэнэ нар тус тусын төрлүүдийг гардан ажиллахаар болов

МESA-ийн хувьд 2021 оны улирлын тэмцээнүүдээ 2020 оны 12 сард эхлүүлж одоогоор DOTA 2, CS:GO төрлүүдийн MESA Pro Series #1 #2 тэмцээнүүд явагдаад байгаа юм. Анх гурван цувралтайгаар цацагдаж байсан уг тэмцээний сүүлийн цуврал тэмцээнүүд эхлэхээс өмнө ийнхүү холбооны удирдлагууд төрлийн тоог нь нэмэгдүүлж, цаг хугацааны хувьд тодорхой өөрчлөлтүүдийг хийсэн байна. Үүнд мобайл төрлийн дэд ерөнхийлөгч томилогдсонтой холбогдуулан PUBG Mobile-ийн MESA Pro Series, MESA League тэмцээнүүдийг зохиохоор болжээ.

Тэмцээний дэлгэрэнгүй төлөвлөгөөт календарь, төрлүүдийн болох он сар өдрүүдийг холбооны зүгээс ирэх өдрүүдэд олон нийтэд зарлах юм.

LATEST

MESA албан ёсоор ESIC-ийн гишүүн боллоо

Esports Integrity Commission (ESIC) нь 2016 онд байгуулагдсан бөгөөд сэргээш болон match fix, cheat ашиглах, дасгалжуулагчийн алдаа зэргээс урьдчилан сэргийлэх цаашлаад испорттой холбоотой хориотой зүйлсэд хяналт тавин энэ салбарыг шударга байлгах талаас ажилладаг байгууллага юм. Монголын электрон спортын холбоо нь ESIC-ийн гишүүнчлэлээ албан ёсоор баталгаажуулж, ESIC-ийн олон улсын стандарт, дүрэм журамд нийцүүлэн испортын салбарыг хөгжүүлэх гол зорилгодоо хүрэх чухал алхмыг хийлээ. Өнөөдрөөс эхлэн MESA-ийн бүх  тэмцээнд ESIC-ийн зүгээс хяналт тавин аюулгүй байдал, шударга байдлыг ханган хамтран ажиллаж Монголын испортын салбарыг хөгжүүлэн ажиллахаар боллоо. MESA албан ёсны гишүүн болсон талаар ESIC-ийн комисcар Иан Смит : “Бидний хувьд MESA-ийг ESIC-ийн гишүүн болсонд баяртай байна. MESA үйл ажиллагаандаа ESIC-ийн дүрэм стандартыг нэвтрүүлж байгаа нь тэдний испортын шударга өрсөлдөөнийг бий болгон стандартчилж, эрүүл аюулгүй спортын орчныг бүрдүүлэхийг хүсэж байгаагийн тод илрэл юм.”  Mонголын электрон спортын холбооны ерөнхийлөгч Ганбаатарын Эрдэнэчулуун : “Бид ESIC -ийн хамт олны нэг хэсэг болж, салбарынхаа аюулгүй байдалд анхаарч найдвартай ажиллагаанд хамтрах болсондоо баяртай байна. MESA 2021 онд 20 том тэмцээнийг зохиохоор төлөвлөсөн бөгөөд тэдний 12 тэмцээний аварга багууд олон улсын тэмцээний эрх авах юм. ESIC-тэй хамтран ажилласнаар MESA-ийн бүх тэмцээнүүд мэргэжлийн гэх тодотголтой болж байна. ESIC-тэй хамтдаа аялах болсондоо бид баяртай байна.” ESIC-ийн талаарх дэлгэрэнгүй мэдээллийг https://esic.gg/ -ээс аваарай.  
2021-07-02 08:10

MESA Internship Program 2021

МОНГОЛЫН ЭЛЕКТРОН СПОРТЫН ХОЛБОО ДАДЛАГЫН ХӨТӨЛБӨРИЙН 2 ДУГААР ЭЛСЭЛТЭЭ ЗАРЛАЛАА! Монголын Электрон Спортын Холбооноос цахим спортын ирээдүйн боловсон хүчин, мэргэжилтнүүдийг бэлтгэх зорилготойгоор шинээр хэрэгжүүлж буй хөтөлбөр болох “MESA Internship Program 2021” хөтөлбөрийн 2 дугаар элсэлтийг 7 хоногийн хугацаатайгаар зарлаж байна. Хөтөлбөрт хамрагдсан залуус цахим спортын гэр бүлд нэгдэж мэргэжлийн болон хувийн ур чадваруудаа хөгжүүлэх боломжтойгоос гадна Монголын Электрон Спортын Холбооноос зохион байгуулдаг арга хэмжээнүүдэд оролцон, MESA community-гийн нэг хэсэг болох гайхалтай боломж бүрдэж байгаа юм. Цахим спорт нь дэлхий даяар хамгийн хурдацтай хөгжиж буй салбар тул таны дадлагын хугацаа үр бүтээлтэй, дурсамж дүүрэн, завгүй өнгөрнө гэдэгт итгэлтэй байна. Хамтдаа Монголын цахим спортыг шинэ түвшинд хүргэцгээе! Хөтөлбөрийн танилцуулга: http://bit.ly/MESAInternship21 Цахим өргөдөл: http://bit.ly/MESAInternship2021 Өргөдлийг 2021 оны 6-р сарын 23-ний өдрийн 23:59 минут хүртэл хүлээн авна. MESA, the nurturing place for next genertion leaders.  #InternshipProgrambyMESA #MESA #Internship #InternshipProgram 
2021-06-14 16:00

Мэдэгдэл

2021 оны 6 дугаар сарын 3-ны өдөр ЦЕГ, СЭМҮТ хамтран испортын DOTA2, CS:GO, PUBG Mobile төрлүүдийг Монголд хориглох хүсэлтийг Харилцаа, холбооны зохицуулах хороонд тавьсан тухай мэдээлэл хэвлэлүүдээр гарсан билээ.    Тус ташаа мэдээлэл олон нийтэд тарж, дэлхий дахинд спорт хэмээн хүлээн зөвшөөрөгдөөд буй шинэ үеийн соёлын талаар буруу ойлголт төрж байгаад MESA /Монголын Электрон Спортын Холбоо/ гүнээ харамсаж байна. Дурдагдсан төрлүүд нь олон улсад испортын гол хэсэг бөгөөд манай улсын баг тамирчид Азийн аварга болж, дэлхийн аварга шалгаруулах тэмцээнүүдэд эх орныхоо нэрийг өндөрт өргөн оролцсоор ирсэн. Монголын Электрон Спортын Холбооны хувьд тухайн төрлүүдэд үндэсний хэмжээний цуврал тэмцээн болох MESA Pro Series-ийг тогтмол зохион байгуулдаг бөгөөд 2021 онд 34 албан ёсны тэмцээн, 41 төслийг төлөвлөн, амжилттай хэрэгжүүлж байгааг та бүхэн мэдэх билээ.   Цаашдаа бид тухайн төрлүүд дээр MESA Pro Series, MESA League зэрэг өөрсдийн нэрийн тэмцээнээ зохиосоор байх бөгөөд испортыг олон нийтэд түгээн дэлгэрүүлэх ажлыг үргэлжлүүлсээр байх болно. Бид бүх шатны тамирчдынхаа эрх ашгийг хамгаалах, спортоо хөгжүүлэх үйл ажиллагаагаа улам эрчимжүүлнэ гэдгээ үүгээр мэдэгдэж байна.   Бид DOTA2, CS:GO, PUBG Mobile-аа тоглосоор л байх болно. MESA Pro Series тэмцээний бүртгэл өнөөдөр эхэлнэ.    Хүндэтгэсэн,  MESA 
2021-06-03 04:00

MESA PRO SERIES #3 тэмцээний аваргаар Renewal баг тодорлоо

Монголын электрон спортын холбооноос улирал бүр зохион байгуулдаг гурван цуврал тэмцээн болох MESA PRO SERIES тэмцээний энэ улирлын сүүлийн цуврал буюу гурав дахь тэмцээн амжилттай өндөрлөлөө. Энэ удаагийн тэмцээний ерөнхий ивээн тэтгэчээр Ard санхүүгийн нэгдэл ажилласан юм. Тэмцээний хувьд үндсэн тэмцээн нийт 8 баг хоёр хэсэгт хуваагдан өрсөлдсөн ба шигшээ тоглолтод Монголын хамгийн хүчирхэг багуудын хоёр нь болох D13 Esports болон Team Renewal багууд шалгаран үлдэж Team Renewal 3-2 харьцаатай ялалт байгуулж аварга цолыг хүртлээ. Тэдний хувьд энэ улирлын эхний тэмцээнд мөн тэргүүн байрт орж байсан бол D13 Esports багийн хувьд хоёр дахь тэмцээнд тэргүүлж байсан юм. Харин ард санхүүгийн нэгдлийн нэрэмжит "Alpha" тоглогч буюу тэмцээний шилдэг тоглогчоор Team Renewal багийн Бат-Энх буюу Kabal тодорлоо.
2021-05-19 16:00