МОНГОЛЫН ЭЛЕКТРОН СПОРТЫН
ХОЛБОО

EST. 2003

LATEST

MESA албан ёсоор ESIC-ийн гишүүн боллоо

Esports Integrity Commission (ESIC) нь 2016 онд байгуулагдсан бөгөөд сэргээш болон match fix, cheat ашиглах, дасгалжуулагчийн алдаа зэргээс урьдчилан сэргийлэх цаашлаад испорттой холбоотой хориотой зүйлсэд хяналт тавин энэ салбарыг шударга байлгах талаас ажилладаг байгууллага юм. Монголын электрон спортын холбоо нь ESIC-ийн гишүүнчлэлээ албан ёсоор баталгаажуулж, ESIC-ийн олон улсын стандарт, дүрэм журамд нийцүүлэн испортын салбарыг хөгжүүлэх гол зорилгодоо хүрэх чухал алхмыг хийлээ. Өнөөдрөөс эхлэн MESA-ийн бүх  тэмцээнд ESIC-ийн зүгээс хяналт тавин аюулгүй байдал, шударга байдлыг ханган хамтран ажиллаж Монголын испортын салбарыг хөгжүүлэн ажиллахаар боллоо. MESA албан ёсны гишүүн болсон талаар ESIC-ийн комисcар Иан Смит : “Бидний хувьд MESA-ийг ESIC-ийн гишүүн болсонд баяртай байна. MESA үйл ажиллагаандаа ESIC-ийн дүрэм стандартыг нэвтрүүлж байгаа нь тэдний испортын шударга өрсөлдөөнийг бий болгон стандартчилж, эрүүл аюулгүй спортын орчныг бүрдүүлэхийг хүсэж байгаагийн тод илрэл юм.”  Mонголын электрон спортын холбооны ерөнхийлөгч Ганбаатарын Эрдэнэчулуун : “Бид ESIC -ийн хамт олны нэг хэсэг болж, салбарынхаа аюулгүй байдалд анхаарч найдвартай ажиллагаанд хамтрах болсондоо баяртай байна. MESA 2021 онд 20 том тэмцээнийг зохиохоор төлөвлөсөн бөгөөд тэдний 12 тэмцээний аварга багууд олон улсын тэмцээний эрх авах юм. ESIC-тэй хамтран ажилласнаар MESA-ийн бүх тэмцээнүүд мэргэжлийн гэх тодотголтой болж байна. ESIC-тэй хамтдаа аялах болсондоо бид баяртай байна.” ESIC-ийн талаарх дэлгэрэнгүй мэдээллийг https://esic.gg/ -ээс аваарай.  
2021-07-02 08:10
right

MESA Internship Program 2021

МОНГОЛЫН ЭЛЕКТРОН СПОРТЫН ХОЛБОО ДАДЛАГЫН ХӨТӨЛБӨРИЙН 2 ДУГААР ЭЛСЭЛТЭЭ ЗАРЛАЛАА! Монголын Электрон Спортын Холбооноос цахим спортын ирээдүйн боловсон хүчин, мэргэжилтнүүдийг бэлтгэх зорилготойгоор шинээр хэрэгжүүлж буй хөтөлбөр болох “MESA Internship Program 2021” хөтөлбөрийн 2 дугаар элсэлтийг 7 хоногийн хугацаатайгаар зарлаж байна. Хөтөлбөрт хамрагдсан залуус цахим спортын гэр бүлд нэгдэж мэргэжлийн болон хувийн ур чадваруудаа хөгжүүлэх боломжтойгоос гадна Монголын Электрон Спортын Холбооноос зохион байгуулдаг арга хэмжээнүүдэд оролцон, MESA community-гийн нэг хэсэг болох гайхалтай боломж бүрдэж байгаа юм. Цахим спорт нь дэлхий даяар хамгийн хурдацтай хөгжиж буй салбар тул таны дадлагын хугацаа үр бүтээлтэй, дурсамж дүүрэн, завгүй өнгөрнө гэдэгт итгэлтэй байна. Хамтдаа Монголын цахим спортыг шинэ түвшинд хүргэцгээе! Хөтөлбөрийн танилцуулга: http://bit.ly/MESAInternship21 Цахим өргөдөл: http://bit.ly/MESAInternship2021 Өргөдлийг 2021 оны 6-р сарын 23-ний өдрийн 23:59 минут хүртэл хүлээн авна. MESA, the nurturing place for next genertion leaders.  #InternshipProgrambyMESA #MESA #Internship #InternshipProgram 
2021-06-14 16:00
right

Мэдэгдэл

2021 оны 6 дугаар сарын 3-ны өдөр ЦЕГ, СЭМҮТ хамтран испортын DOTA2, CS:GO, PUBG Mobile төрлүүдийг Монголд хориглох хүсэлтийг Харилцаа, холбооны зохицуулах хороонд тавьсан тухай мэдээлэл хэвлэлүүдээр гарсан билээ.    Тус ташаа мэдээлэл олон нийтэд тарж, дэлхий дахинд спорт хэмээн хүлээн зөвшөөрөгдөөд буй шинэ үеийн соёлын талаар буруу ойлголт төрж байгаад MESA /Монголын Электрон Спортын Холбоо/ гүнээ харамсаж байна. Дурдагдсан төрлүүд нь олон улсад испортын гол хэсэг бөгөөд манай улсын баг тамирчид Азийн аварга болж, дэлхийн аварга шалгаруулах тэмцээнүүдэд эх орныхоо нэрийг өндөрт өргөн оролцсоор ирсэн. Монголын Электрон Спортын Холбооны хувьд тухайн төрлүүдэд үндэсний хэмжээний цуврал тэмцээн болох MESA Pro Series-ийг тогтмол зохион байгуулдаг бөгөөд 2021 онд 34 албан ёсны тэмцээн, 41 төслийг төлөвлөн, амжилттай хэрэгжүүлж байгааг та бүхэн мэдэх билээ.   Цаашдаа бид тухайн төрлүүд дээр MESA Pro Series, MESA League зэрэг өөрсдийн нэрийн тэмцээнээ зохиосоор байх бөгөөд испортыг олон нийтэд түгээн дэлгэрүүлэх ажлыг үргэлжлүүлсээр байх болно. Бид бүх шатны тамирчдынхаа эрх ашгийг хамгаалах, спортоо хөгжүүлэх үйл ажиллагаагаа улам эрчимжүүлнэ гэдгээ үүгээр мэдэгдэж байна.   Бид DOTA2, CS:GO, PUBG Mobile-аа тоглосоор л байх болно. MESA Pro Series тэмцээний бүртгэл өнөөдөр эхэлнэ.    Хүндэтгэсэн,  MESA 
2021-06-03 04:00
right

MESA PRO SERIES #3 тэмцээний аваргаар Renewal баг тодорлоо

Монголын электрон спортын холбооноос улирал бүр зохион байгуулдаг гурван цуврал тэмцээн болох MESA PRO SERIES тэмцээний энэ улирлын сүүлийн цуврал буюу гурав дахь тэмцээн амжилттай өндөрлөлөө. Энэ удаагийн тэмцээний ерөнхий ивээн тэтгэчээр Ard санхүүгийн нэгдэл ажилласан юм. Тэмцээний хувьд үндсэн тэмцээн нийт 8 баг хоёр хэсэгт хуваагдан өрсөлдсөн ба шигшээ тоглолтод Монголын хамгийн хүчирхэг багуудын хоёр нь болох D13 Esports болон Team Renewal багууд шалгаран үлдэж Team Renewal 3-2 харьцаатай ялалт байгуулж аварга цолыг хүртлээ. Тэдний хувьд энэ улирлын эхний тэмцээнд мөн тэргүүн байрт орж байсан бол D13 Esports багийн хувьд хоёр дахь тэмцээнд тэргүүлж байсан юм. Харин ард санхүүгийн нэгдлийн нэрэмжит "Alpha" тоглогч буюу тэмцээний шилдэг тоглогчоор Team Renewal багийн Бат-Энх буюу Kabal тодорлоо.
2021-05-19 16:00
right

MESA INTERNSHIP PROGRAM 2021 ЗАРЛАГДЛАА

Монголын электрон спортын холбооноос цахим спортын шинэ залуу боловсон хүчнийг бэлтгэх зорилготойгоор дадлагын хөтөлбөр зарлагдлаа. Уг хөтөлбөрт их, дээд сургуулийн 2, 3-р дамжааны оюутнууд хамтрагдах боломжтой бөгөөд 3-6 сарын хугацаанд үргэлжлэх юм. Уг хөтөлбөрт хамрагдсанаар цахим спортын салбарыг мэргэжлийн түвшинд ойлгох, шинэ залуу хамт олны нэг хэсэг болох, инновацилаг шинэ төсөл хөтөлбөрүүдэд гар бие оролцон Монголын цахим спортын хөгжилд өөрийн хувь нэмрээ оруулах бодит боломжтой юм. Хагас жилийн гайхалтай аяллаа эхлүүлэхийг хүсвэл доорх холбоосоор орж мэдээллээ бөглөнө үү: Хугацаа: 3-6 сар  Хамрах хүрээ:  Их, дээд сургуулийн 2, 3-р курсийн оюутан   Тавигдах шаардлага:  Сэтгүүл зүй, График дизайнер, Зураг авалт/Зураглаач,  Эвлүүлэгч, Маркетинг, Менежмент, Бизнесийн удирдлага, Олон улсын харилцааны чиглэлээр суралцдаг байх  Их, дээд сургуулийн 2, 3-р курсийн оюутан байх Гурваас доошгүй сар ажиллах боломжтой байх  Англи болон бусад гадаад хэлний мэдлэгтэй бол давуу тал болно  Өмнөн сайн дурын ажил, хөтөлбөрт хамрагдаж байсан бол давуу тал болно  Суралцаж буй чиглэлээрээ туршлагатай бол мөн давуу тал болно  Багаар болон бие даан ажиллах чадвартай  ДАДЛАГА ХИЙХ ЧИГЛЭЛҮҮД Олон нийттэй харилцах албаны туслах (Community manager)  Хэрэглээний болон харилцааны платформ дээр сайн ажиллаж чаддаг байх/Microsoft office, Discord гэх мэт/ Хүнд санаагаа зөв зохистой, товч хүргэж чаддаг байх  Идэвх санаачилгатай, асуудлыг түргэн шуурхай шийдвэрлэдэг байх  Видео эвлүүлэгчийн туслах (Video editor assistant)  Мэргэжлийн чанартай видео контент үздэг түүндээ дүн шинжилгээ хийж чаддагбайх. File Explorer, Finder дээр файлуудаа эмхэлж цэгцэлж чаддаг байх.  Видео эвлүүлэг хийхээс гадна бусад зурган файл дээр ажиллана гэсэн хүлээлттэйбайх. /Adobe Ps, Ai, Pr, Ae/  Төслийн менежерийн туслах (Project manager assistant)  Microsoft Word, Excel, Powerpoint / Google Docs, Sheets, Slides дээр ажилладаг байх  Хэвлэмэл болон онлайн эх сурвалжуудыг ашиглан судалгаа хийх чадвартай байх   Сошиал медиа менежер туслах (Social media manager assistant)  Сошиал медиа платформ дээр сайн ажиллаж чаддаг байх /Facebook, Youtube, Twitter гэх мэт/ Сошиал тренд, шинэ мэдээ мэдээллийг түргэн олж авах чадвартай Нийтлэл, өгүүллэг бичиж байсан туршлагатай бол давуу тал болно График дизайнерийн туслах (Graphic designer assistant)  График дизайний хэрэглээний программууд дээр ажиллаж чаддаг байх /Adobe Ps, Ai, XD/ Дизайны трендүүдийн талаар мэдлэгтэй бол давуу тал болно ХӨТӨЛБӨРИЙН ДАВУУ ТАЛ •Хурдацтай хөгжиж буй шинэ үеийн салбарын бодит туршлага авах  •Асуудалд хурдацтай инновацлаг аргаар шийдэл олж сурах  •Залуу найрсаг хамт олон  •Хоол, унаа, нэгжний нэмэгдэл  •Тохилог тухтай оффис  •MESA Community event-үүдэд оролцох эрх   •Хөтөлбөрийн төгсгөлд хөтөлбөрийн амжилттай дуусгасан сертификат  •болон MESA дурсгалын бэлэг өгнө  •Цаашид үндсэн ажилтан болох боломж ГҮЙЦЭТГЭХ ҮҮРЭГ Хариуцсан ажилчдын өдөр тутмын ажилд дагалдан ажиллах   Тэмцээн болон шууд дамжуулалтын үеэр туслах ажлууд хийх  Хариуцсан чиглэлийн дагуу судалгаа хийх  Болон бусад ажиллаж буй чиглэлтэй холбоотой ажлууд *Нарийвчилсан ажлын төлөвлөгөөг дадлага эхлэх үед хариуцсан ажилтантанилцуулна. •1-р vе шат: Материал хvлээн авах (5 дугаар сарын 5-наас 19-ний өдрийг хvртэл)  •2-р vе шат: Ярилцлага (5 дугаар сарын 22-ноос 23-ний өдрийг хvртэл)   Жич:  Материал мэдvvлэгчдэд 5 сарын 20-21-ний өдрүүдэд мэйлээр хариуг мэдэгдэнэ. 1 дүгээр шатанд тэнцсэн мэдүүлэгчидтэй 2-р шатны ярилцлагынхугацааг утсаар товлоно. Эцсийн хариуг 5 дугаар сарын 24-ний өдөр зарлана.    Ажиллаж эхлэх хугацаа: 5 дугаар сарын 26-ны өдөр  Хөтөлбөрт хамрагдахыг хvсвэл өөрийн товч мэдээлэл, товч намтар буюу CV болон яагаад Монголын Электрон Спортын Холбоонд дадлагын ажил хийххүсэлтэй байгаа талаар 2 минутаас хэтрэхгүй видео бичлэгийг доорхфорумаар дамжуулан бөгөлөнөө үү: http://bit.ly/MESAInternship2021 Өргөдлийг 5 дугаар сарын 26-ний өдрийн 23:59 минут хүртэл хүлээн авна.  http://bit.ly/MESAInternship2021
2021-05-15 16:00
right

MESA PRO SERIES #3 CS:GO ТЭМЦЭЭН ЭХЭЛЛЭЭ

Монголын электрон спортын холбооноос зохион байгуулдаг MESA pro series CS:GO төрлийн тэмцээний сүүлийн тэмцээнд буюу 3 дахь цуврал эхлэхэд бэлэн боллоо. Энэ удаагийн тэмцээнд 4 баг урилгаар оролцож байгаа бөгөөд нээлттэй шалгаруулалтаас 64 баг оролцож шилдэг 4 баг үндсэн тэмцээнд оролцох эрхээ авч нийт 8 баг үндсэн тэмцээнд өрсөлдөхөөр боллоо. Тэмцээний ерөнхий ивээн тэтгэгчээр Ard санхүүгийн нэгдэл ажиллаж байгаа юм. Үндсэн тэмцээн 5-р сарын 13-16-ны өдрүүдэд явагдах бөгөөд тэргүүн баг ₮2,000,000 дэд байрт ₮500,000 3 болон 4-р байр эзлэсэн багууд тус бүр ₮250,000-ийн шагнал хүртэх юм.
2021-05-11 16:00
right

MESA PRO SERIES #3 тэмцээний аварга баг тодорлоо

Монголын электрон спортын холбооны зүгээс зохион байгуулсан гурван цуврал бүхий MESA PRO SERIES тэмцээний сүүлийн цуврал тэмцээн амжилттай болж өндөрлөлөө. Энэ удаагийн тэмцээнд нээлттэй сонгон шалгарлуулалтаас 23 баг урилгаар 4 баг оролцож аваргаа тодрууллаа. Шигшээ тоглолтонд Монголын №1 гэгдэг буй баг Lilgun болон Sable Hat багууд өрсөлдөж 5 тоглолтын эцэст Sable Hat баг анх удаа тэмцээний аваргаар тодорсон юм. Өмнөх хоёр цуврал тэмцээнд Drain Gang, Lilgun гэсэн багууд аварга болж байсан бол энэ удаад дахин шинэ аварга төрлөө. Харин тэмцээний үнэ цэнтэй тоглогчоор Sable Hat багийн тоглогч Тамир буюу Bell тодорч Shoppy.mn-ийн шагналыг хүртлээ.
2021-05-07 16:00
right

ARD x MESA хамтын ажиллагаа эхлүүллээ

MESA /Mongolian Esports Association/ дотоодын тэргүүлэх санхүүгийн байгууллага ARD Holdings компанитай хамтран ажиллах болсоноо зарлахад таатай байна. ARD Holdings-ийн хувьд ARD Coin бүтээгдэхүүнээрээ дотоодын esports-ийн хөгжилд хувь нэмрээ оруулж, шинэ эриний спорт сонирхогч залуусыг дэмжихээр зорьж байгаа юм. ARD Holdings болон MESA-ийн хамтрал нь CS:GO MESA PRO SERIES #3 тэмцээнээр эхэлж байгаа бөгөөд цаашлаад үндэсний аварга багийг тодруулах зорилготой MESA League арга хэмжээнд хамтран ажиллахаар төлөвлөж байна. MESA PRO SERIES цуврал тэмцээний шилдгийн шилдэг баг IESF World Championship - EILAT 2021 тэмцээнд Монгол улсыг төлөөлөн оролцох юм. Мөн тус цувралыг тэргүүлсэн багууд энэ оны намрын улиралд эхлэх MESA League тэмцээнд оролцох эрхээ авна. MESA-ийн хувьд 2021 онд PUBG Mobile, Dota2, CS.GO төрлүүд дээр голлон анхаарч дотоодын esport-ийн хөгжлийг шинэ шатанд гаргахаар хичээнгүйлэн ажиллаж байна.
2021-04-28 04:00
right

MESA PRO SERIES GRAND FINAL зарлагдлаа

Монголын Дота 2-ын түүхэнд урьд хожид байгаагүй хамгийн өндөр шагналын сантай тоглолт буюу MESA PRO SERIES GRAND FINAL болох 7-р сарын 4-ний өдөр зохиогдохоор боллоо. Монголын электрон спортын холбооноос зохион байгуулдаг MESA PRO SERIES тэмцээний зөвхөн ганц, шилдгийн шилдэг багийг бид энэ өдөр таних юм. Уг арга хэмжээ Олон Улсын Олимпын Хорооны стандартад нийцсэн цоо шинэхэн ордон болох 3600 хүний багтаамжтай STEPPE ARENA ордонд болох юм. MESA PRO SERIES гурван удаагийн цуврал тэмцээнд оролцсон 200 гаруй баг 1000 гаруй тамирчдаас цойлон гарч ирсэн цор ганц баг MESA PRO SERIES GRAND FINAL тэмцээний аваргын цол +20 сая төгрөгийн шагналыг хүртэхээс гадна Монгол улсыг төлөөлж EILAT 2021 - World Championship буюу Дэлхийн аварга шалгаруулах тэмцээнд өрсөлдөх эрхийн эзэн болно
2021-04-20 16:00
right

DOTA 2 MESA PRO SERIES #3 тэмцээн зарлагдлаа

Монголын электрон спортын холбооны Dota 2 төрлийн энэ улирлын сүүлийн буюу 3 дахь PRO SERIES тэмцээн зарлагдлаа. Тэмцээний нээлттэй шалгаруулалт 4-р сарын 22-25-ны өдрүүдэд явагдах бол үндсэн тэмцээн 4-р сарын 29-өөс 5-р сарын 2-ны өдрүүдэд болохоор боллоо. Тэмцээний шагналын сан нийт 3 сая төгрөг байх ба мэдээж хэрэг гурван удаагийн PRO SERIES тэмцээнд цуглуулсан MESA SERIES POINT-оор өндөр байр эзлэсэн багууд улирлын оргил тэмцээн болох MESA LEAGUE тэмцээнд оролцох эрхтэй болох юм.
2021-04-19 09:47
right